Mühərrik yağı haqqında bilməli olduğunuz əsas məqamlar.

       Mühərrik yağı avtomobil mühərrikinin əsas mayesidir. O, mühərrikin problemsiz işləməsi və uzun ömürlü qalması üçün vacib rol oynayır. Lakin çox vaxt sürücülər onun əhəmiyyətini tam qiymətləndirmirlər. Çoxları yalnız “yağı dəyişmək lazımdır” deyir, amma niyə, nə vaxt və hansı növ yağın daha uyğun olduğunu bilmirlər.

       Bu məqalədə mühərrik yağının funksiyaları və seçimi barədə bilməli olduğunuz bütün əsas məqamları sadə və aydın şəkildə izah edəcəyik.

1. Yağın rolu yalnız sürtünməni azaltmaq deyil.

Mühərrik yağı sadəcə hissələrin sürtünməsini azaltmır. 

O həm də:

• - istini paylayır, mühərrikin optimal işləmə temperaturunu qoruyur;

• - pas və korroziyadan qoruyur;

• - yanma zamanı yaranan çirk və hissəcikləri özündə saxlayır;

• - piston və silindr arasındakı boşluqları dolduraraq yanma kamerasının sızmasını azaldır.

• 2. Yağ dəyişmə intervalı hər avtomobil üçün fərqlidi.

• Hər 10.000 km-də yağ dəyişmək universal qayda deyil. Onun tezliyi bir neçə amildən asılıdır:

• - yağın növü (mineral, yarı-sintetik, tam sintetik);

• - sürmə şəraiti (şəhər içi tıxac, qısa məsafələr, uzun yol);

• - iqlim və temperatur.

•          Orta göstəricilər:

• Benzin mühərrikləri: 7.500–10.000 km

• Dizel mühərrikləri: 5.000–8.000 km

• Şəhər içi sürmələrdə mühərrik daha çox yüklənir və yağ daha tez köhnəlir.

• 3. Qaralan yağ həmişə köhnə demək deyil

• Bir çox sürücü yağın qaralmasını dərhal dəyişmək siqnalı hesab edir. Amma bu tam doğru deyil. Yeni mühərrik yağı bir neçə yüz kilometrdən sonra qaralır — bu onun işlədiyini göstərir.

• Əsas göstərici isə yağın qatılaşması (viskozitesinin artması) və səviyyəsinin azalmasıdır. Qatılaşmış yağ artıq mühərrik hissələrinə düzgün yayılmır və sürtünməni azaltmaq, istiliyi paylamaq və korroziyadan qoruma funksiyalarını tam yerinə yetirə bilmir.

• Sadə desək, qaralma normal işləmənin əlamətidir, amma yağın qatılaşması və səviyyəsinin azalması mühərrik üçün əhəmiyyətli xəbərdarlıqdır.

• 4. Turbo mühərriklərdə az yağ itkisi normaldır

• Yeni model mühərriklər, xüsusilə turbo olanlar, az miqdarda yağ sərf edə bilər. 10.000 km-də 0.5 litr itki panikaya səbəb deyil. Amma 1 litrdən çox itki varsa, mühərrikdə sızma və ya klapan problemi ola bilər.

• 5. Mövsümə uyğun yağ və viskozluq

• Viskozluq – yağın axıcılıq və qalınlıq səviyyəsidir, yəni temperatur dəyişdikdə necə davrandığını göstərir.

• 5W-30 – soyuq havalarda mühərriki rahat işə salır

• 10W-40 – isti havalar üçün uyğundur

• Bizim iqlim şəraitində bu iki növ balanslı seçimdir. Doğru viskozluq mühərriki qoruyur, yanacaq sərfiyyatını azaldır və uzunömürlülüyü təmin edir.

• 6. Yağ filtri

• Yağ dəyişərkən filtr də dəyişdirilməlidir. Köhnə filtrin içindəki çirk və metal hissəciklər yeni yağı tez çirkləndirir. Bu, mühərrik üçün əlavə yük deməkdir.

• 7. Yağın spesifikasiyası

•      Spesifikasiya  mühərrikin uyğun yağ tipini göstərir.

• ACEA, API, VW, MB, BMW kimi kodlar yağın mühərrik növünə və işləmə şəraitinə uyğunluğunu bildirir.

• Keyfiyyətli marka seçmək kifayət deyil, mühərrik istehsalçısının tövsiyə etdiyi spesifikasiyaya uyğun olmalıdır.

• Doğru spesifikasiya mühərriki qoruyur, yağ sərfini azaldır və uzunömürlü işləməsini təmin edir.

•  

• Mühərrik yağı avtomobilin mühərrik sistemi üçün vacib mayedir. Onu düzgün seçmək və vaxtında dəyişmək həm mühərriki, həm də xərclərinizi qoruyur.

• Ən uyğun mühərrik yağı və ehtiyat hissələri  avto-hisseler.az saytında!